Kelantan negeri ambo

Salam persahabatan buat adik kakok ambo. Kalu sihat alhamdulillah. Kalu kughe sihat bersabar lah deh. Kalu nyakit tu teruk kita kena fikir itu adalah anugerah Allah Yang Maha Pengasih. Pasti ada hikmah. Antaranya nak gugurkan dosa-dosa kita, nak test samaado kito ni boleh bersabar dengan dugaan dio. Yo lah setengah pada setengah itu, kalu sakit asyik lah merungut tak tentu kalu. Padahal kito sebelum ni dah banyok mendapat nikmat sihat walafiat. Tiba diuji, kito jadi lemah iman. Nauzubillah. Sebenarnyo ambo nok cerito pasal negeri ambo Klate. Nun dok jerun dekat-dekat sempade Siam...Golok. Kalu nak lintas border makan masa tak brapa jauh sangat dale 45 minit jah dari KB. Klate ni negerinyo unik sangat-sngat. Oghe kato negeri Serambi Mekah, sebab rama tok-tok guru dan alim ulama besar. Oghenyo jugak waraq-waraq. Hak kureng pun ado jugok buke tak dok...Bahaso Klate ni lebih kughe mace hak ambo tulih ni lah. Sebute hak betul tu kena berdepe dengan ambo lah wei..bawa pise sikat. he..he.. Makane dio?.... kali Melako terkenal dengan cincaluk, Terengganu terkenal dengan keropok leko, Kedah terkenal dengan pekasam sepat Kedah. Klate pulok terkenal dengan budu... he..he. Sebab tu lah oghe Klate ni bijak-bijak serta sohor. Budu kaya dengan protein wei.. Kalu nak sedap, budu tu keno masak terlebih dulu, bubuh nescafe sikit, bubuh nise nyo sikit, de lain-lain lagi lah. Nak make pulok kena bubuh cili kg, hirise serai, bawang merah, asam limau de tempoyak segar atau pun isi durian. Kalu pekena denge ikan bakar segar hak mancing kat Tok Bali, waduh....mertua lalu pun kureng nampok..Selain budu, makane hak sohor di Klate lagi ialah Sambal daging atau un serunding. Tak leh lawe la kalu hok oghe Klate buat gak. Nak tahu kat mano tempat buat dan tempat nok beli nanti ambo cerito lain kali pulok.....Nak cerito pasal makane ni gak kena ambik maso seribu satu male la...sebab Klate ni oghe panggil jelapang makane. Hak masin, hak manis, hak lemak, hak pedas macam-macam....Adik kakok ambo hak dok luar tu kalu raso telior gak boleh lah kirim-kirim ko ambo, boleh tulong beli. Tak hal la bab-bab tulong ni. Muga line kito jugok.....Ok lah, panje lebar do weh. Ambo kalu bahagie nulis ni tak se kaloh. Sebab ni lah kijo ambo. Nulis, cerito, kecek. Hee....Esok ambo cerito bab lain pulak deh. Hak tak ziarah ibu bapa hari ni tu gi lah ziarah. Atau pun calling-calling lah tanya khabar. Yo lah masa dia msih ado ni lah kito nok balas jaso mereka. Kalu de takdok gak, alamat gelap lah dunia...Syurga di bawah telapak kaki ibu...kito kena ingat tu. Jange pulok ibu bapak kena masuk mahkamah pulok nak tuntut hak dia .....minta selisih lah deh...Ambo mito maaf deh kalu demo kecil hati, kito sedara weh....