Kelantan banjir pulok weii

Lamo tok kecek dale ni buke apo, mugo tok berapo lah mano. Nyo jadi sesak. Maklum lah ogher doh berumur ni, dok cari waris warah rata riti, tapi tok jupo. Demo tok se kelih nah hok kito tulih. Ambo pun tok berapo panda nok zeroh demo adik kakok ambo. Tak berapo sedap weh main dok kecek soghe ni....he he....kalu adik kakok ambo terjumpo lah rake-rake hok nak join ambo, tulung bui lah alamat ambo ni deh. Balek semula pasal Klate ni..Lo ni dah mulo banjir pulok weh. Dah lebih 3 ribu adik kakok ambo hok keno pindoh. Hak Ramai sekali gak kawase Pasir Mas Rantau Panje nu...khabarnyo jale-jale pun banyok doh tutup sebab tenggele banjir. Nak wak guano doh musim. Hak Tuhe nok bui... syukur je lah. Hak sedapnyo ubi badak, ubi itek, ubi kayu laku lah weh...ubi badak rebus gitu make panah-panah, Ubi Itek rebus bubuh sante sikit de gula. Waduh... Ubi kayu buat putu halbo. Semale ambo gi caghi putu halba, tiga keda habis licin. Laku wei gotu.... Pah tu pulok, banjir ni rama jugok hak gilo nak caghi ike sunga. olek-molek wei...jange sapa tergelecoh kaki tu masuk tepat hok dale.... Setakat pagi takdi, jalan KB Gua Muse dibuko satu lorong. Tapi gak kaku adik kakok nok mari klate molek rujuk dululah denge polih. Manolah tau tibo-tibo jale tutup tok ko nyanyo. KTMB pun doh separuh jale doh lo ni.... Ok lah dulu, kalu nok tahu lebih lanjut pasal Klate ni ambo royat lain kali pulok deh. Pah seleke lah tengok blog ambo de royat ko sain-sain tu deh. Buke apo, nok bino rangkaian jo, nok rapatke silaturahim........

Salam buat semua. Masih nak royat pasal Klate. Baru-baru ni Klate mula menerima rahmat huje terutamo di kawase ulu. Adik kakok ambo hak dok sano nampo gayonyo masing-masing tarik selimut tebal lah, malas nak gi noreh getah. Hak dok kelaut pun gitu jugok sebabnyo ombak besar. Banjir mula sapa ke kawase KB. Tapi tu dua minggu lepash. Lo ni cuaco koho molek. Aktiviti dah mace biasa balek. Hak nak royat ari ni pasal tempat-tempat menarik di Klate. Pertamonyo pasar Siti Khatijah. Mace-mace ado sano. Kebanyake di kuasai oleh kaum wanita. Ado hok jual ike, sayur, aye, kain baju, perkakas kenduri kendara, kahwin dan mace-mace lagi lah. Mari lah pakat jale Klate ni. Kalu nak mari ambo boleh tulung-tulung bawa...........

Kelantan negeri ambo

Salam persahabatan buat adik kakok ambo. Kalu sihat alhamdulillah. Kalu kughe sihat bersabar lah deh. Kalu nyakit tu teruk kita kena fikir itu adalah anugerah Allah Yang Maha Pengasih. Pasti ada hikmah. Antaranya nak gugurkan dosa-dosa kita, nak test samaado kito ni boleh bersabar dengan dugaan dio. Yo lah setengah pada setengah itu, kalu sakit asyik lah merungut tak tentu kalu. Padahal kito sebelum ni dah banyok mendapat nikmat sihat walafiat. Tiba diuji, kito jadi lemah iman. Nauzubillah. Sebenarnyo ambo nok cerito pasal negeri ambo Klate. Nun dok jerun dekat-dekat sempade Siam...Golok. Kalu nak lintas border makan masa tak brapa jauh sangat dale 45 minit jah dari KB. Klate ni negerinyo unik sangat-sngat. Oghe kato negeri Serambi Mekah, sebab rama tok-tok guru dan alim ulama besar. Oghenyo jugak waraq-waraq. Hak kureng pun ado jugok buke tak dok...Bahaso Klate ni lebih kughe mace hak ambo tulih ni lah. Sebute hak betul tu kena berdepe dengan ambo lah wei..bawa pise sikat. he..he.. Makane dio?.... kali Melako terkenal dengan cincaluk, Terengganu terkenal dengan keropok leko, Kedah terkenal dengan pekasam sepat Kedah. Klate pulok terkenal dengan budu... he..he. Sebab tu lah oghe Klate ni bijak-bijak serta sohor. Budu kaya dengan protein wei.. Kalu nak sedap, budu tu keno masak terlebih dulu, bubuh nescafe sikit, bubuh nise nyo sikit, de lain-lain lagi lah. Nak make pulok kena bubuh cili kg, hirise serai, bawang merah, asam limau de tempoyak segar atau pun isi durian. Kalu pekena denge ikan bakar segar hak mancing kat Tok Bali, waduh....mertua lalu pun kureng nampok..Selain budu, makane hak sohor di Klate lagi ialah Sambal daging atau un serunding. Tak leh lawe la kalu hok oghe Klate buat gak. Nak tahu kat mano tempat buat dan tempat nok beli nanti ambo cerito lain kali pulok.....Nak cerito pasal makane ni gak kena ambik maso seribu satu male la...sebab Klate ni oghe panggil jelapang makane. Hak masin, hak manis, hak lemak, hak pedas macam-macam....Adik kakok ambo hak dok luar tu kalu raso telior gak boleh lah kirim-kirim ko ambo, boleh tulong beli. Tak hal la bab-bab tulong ni. Muga line kito jugok.....Ok lah, panje lebar do weh. Ambo kalu bahagie nulis ni tak se kaloh. Sebab ni lah kijo ambo. Nulis, cerito, kecek. Hee....Esok ambo cerito bab lain pulak deh. Hak tak ziarah ibu bapa hari ni tu gi lah ziarah. Atau pun calling-calling lah tanya khabar. Yo lah masa dia msih ado ni lah kito nok balas jaso mereka. Kalu de takdok gak, alamat gelap lah dunia...Syurga di bawah telapak kaki ibu...kito kena ingat tu. Jange pulok ibu bapak kena masuk mahkamah pulok nak tuntut hak dia .....minta selisih lah deh...Ambo mito maaf deh kalu demo kecil hati, kito sedara weh....

salam perkenalan

Salam buat semua adik kakok ambo. Harapnyo sihat walafiat, segar bugar, suko cerio. Alhamdulillah. Dah lamo nak kecek dale ni tapi tak jadi-jadi. Ado maso ambo masuk lah ari ni. Cuaco tempat ambo pun napoknyo ceroh jilah dah. Sebelum ni mendung de uje. Lagu tu lah hakikat kejadie Tuhan Yang Maha Agung Maha Besar Maha berkuasa.....Apo pun keadaan, kejadie kita kena terimolah denge hati terbuko. Syukran Syukran...Gitulah buat mulo perkenale kita. Ambo harap ukkuwah silaturahim daapat kita jalinke sebanyak mungkin, sepanje mungkin dengan adik kakok, abe adik, pakcik makcik, ayah ibu.....raken taule hak baru hok lamo hak tak ingat kita peringatkan balek, hak ingat, kita erat-eratke.....gitulah adonyo. ado lagi ambo nak ceroto, tapi keno berundur dulu. Insyaallah di panjangke umur diizinke Tuhan kita jumpo lagi. Salam perkenalan......................